BUTUAN CITY – Gikumpirma sa Philippine Coast Guard kon PCG, nga wala’y oil spill nga na-obserbahan gikan sa nasangad nga Philippine-flagged tanker sa Burgos, Surigao del Norte.
Sigon ni Capt. Noemie Cayabyab, tigpamaba sa PCG, padayon pang gidetermina sa mga otoridad, kung ang hull sa maong barko, na-breach.
Ang tanker nga MT Cheng Xian Feng 168, nasangad sa Barangay Poblacion 1 sa Burgos kagahapon, Enero 11 human nakasinati og engine trouble samtang padulong ngadto sa Homonhon, Leyte.
Nasayrang ang 712-gross-ton nga barko nga duna’y kargang 3,500-litros nga krudo alang sa kaugalingon niining konsumo, mibiya sa Cagayan de Oro City adiser kini nasangad.
Base sa initial findings, nakasinati matud pa og engine failure ang barko pasado ala-una sa hapon niadto pang Sabado, Enero 10, hinungdan nga gipahulog sa kapitan ang anchor ug ang kusog ug dagkong balud mao nay hinungdan nga nasangad kini sa baybayon sa Burgos.
Daling milihok ang PCG aron pag-contain alang sa bisan unsang posibleng oil spill ug pag-assess sa posibleng damyos nga namugna niini sa mga coral reefs.
Pagka-alas-4:30 kagahapon sa kaadlawon, naluwas ang siyam ka mga Filipino crew members niini apil na ang master, kansa daling gidala sa baybayon diin sila gihatagan og assistance and ug gi-imbestigahan dayong klaro nga anaa sila sa maayong kondisyon.
Sigon usab ni Burgos Mayor Emmanuel. Arcena, nagpakatag gilayon ang PCG og mga oil spill containment booms palibot sa tanker adiser gisugdan ang towing operations pasado alas-7:50 kagahapon sa buntag.
Tungod niini, magpabilin pa sa kostudiya sa PCG ang barko sa kasikbit nga lungsod sa Dapa sa Siargao, samtang gikompleto pa ang environmental ug technical assessments.
Nagpadayon usab ang coastal surveillance kondiin gitaho sa mga otoridad nga wala’y fuel leakage nga ilang na-obserbahan gawas lang sa normal fuel nga gigamit gikan sa mga sistema sa barko.
