BUTUAN CITY – Gikumpirma mismo ni Pangulong Ferdinand Marcos jr, nga dunay Overseas Filipino Workers kon OFW nga napatay tungod sa miulbo nga giyera sa middleast.
Sigon sa pangulo nga sa iyang nadawat nga taho, usa ka OFW , taga Pangasinan og caregiver sa Israel ang namatay kini samtang gisulayan niya pagluwas ang iyang gi-atiman aron unta dalhon sa bombshelter sa dihang kini na-igo sa mga sharpnel gikan sa bomba nga nahagsa sa ilang lugar.
Sumala sa pangulo nga gikumpirma mismo ang identity sa biktima sa iyang bana nga usa usab nga OFW sa Israel.
Tungod niini, nagpaabot si Pangulong Ferdinand Marcos jr ug kinasing-kasing nga pahasubo ngadto sa pamilya sa biktima. Kini dayung saad sa tibook suporta sa gobyerno.
Padayon usab ang pagmonitor sa pangulo sa kahimtang sa tanang mga Filipino nga anaa sa Middleast samtang andam nga mutubag sa bisan unsang panginahanglan.
