BUTUAN CITY – Mibati na usab og kabalaka ang katawhan sa Purok 1, Brgy. Caasinan, Cabadbaran City lalawigan sa Agusan del Norte human napadpad kaganinang alas-kwatro sa hapon ang 12 ka tiil nga gitas-ong patay na nga oarfish.
Sa eksklusibong pakighinabi sa Bombo Radyo Butuan kang Roselyn Exsaure, tigpamaba sa Cabadbaran City government, gibutyag niining anaa na sa huna-huna sa katawhan ang posibleng matigayong linog base na usab sa mga kasinatian sa katawhan ning rehiyon sa Caraga higayong duna’y makitang oarfish.
Gi-awhag na lang niini ang tanan nga mag-ampo og hugot sa Kahitas-an ug dili ipasulabi ang mga tinu-uhan.
Dali gilayong gilubong sa katawhan ang napalgang isda nga talagsaon ra kung magpakita.
Nasayrang ang mga Oarfish usa ka deep-sea fish nga nagpuyo duol sa mga aktibong faults kansa grabe ka senstibo sa mga chemical changes sa tubig labi na adiser pa mahitabo ang mga tilidman-on sama sa linog.
