BUTUAN CITY – Gikalipay ni kanhi Pangulong Rodrigo Duterte human nasayran nga duna gihapo’y mga kababayang Pinoy gikan sa nagkada-iyang nasud sa Urupa ang nagpabilin sa gawas nga bahin sa iyang detention facility sa International Criminal Court kon ICC sa The Hague, Netherlands bisan sa pagsugat sa bag-ong tuig 2026.
Sigon sa anak niining si Veronica ‘Kitty’ Duterte, bisan og malipayon ang iyang pagsugat sa bag-ong tuig didto sa Urupa apan dili kini kompleto tungod kay kini ang unang higayon nga wala niya maka-uban ang iyang amahan.
Wala matud pa’y bag-ong gihimo ang iyang amahan sa pagsugat sa bag-ong tuig kondili mao ra gihapon ang iyang na-andang ginahimo nga mukaon, matulog ug mutan-aw og TV kansa mao ang iyang gamay nga kalipay.
Bugtong panghinaut matud pa sa kanhi pangulo nga dugangan pa og dugang kusog ug grasya ang tanan.
