BUTUAN CITY – Gikumpirma sa Pentagon nga ilang gi-activate ang 700 ka mga marines sa Los Angeles area aron mutabang sa federal response ngadto sa gihimong mga protesta batuk sa gihimong mga immigration raids.
Gidepensahan ni United States President Donald Trump ang iyang desisyon pag-deploy sa National Guard samtang gikasuhan usab ni California Governor Gavin Newsom ang administrasyon tungod sa maong lakang.
Sa posibleng paggrgabe sa kagubot, gi-angkon ni Newsom nga gipahibalo na siya nga magpadala si Trump og laing 2,000 ka mga National Guard troops ngadto sa Los Angeles.
Nagsugod ang mga demonstrasyon sa gawas nga bahin sa downtown LA niadtong Sabado human nasayran nga ang mga Immigration Customs Enforcement (ICE) officers, naglusad og pagpangronda sa maong siyudad.
Madumdumang ang unang pag-deploy ni Trump og 2-mil ka mga sakop sa National Guard, naka-trigger sa political row tungod kay gipadayag nila Newsom ug LA mayor Karen Bass, nga kaya ra sa ilang local police ang pagdumala sa mga protesta.
Nasayran nga talagsaon ra kaayo nga mulambigity ang US military troops sa domestic law enforcement.
