BUTUAN CITY – Napatay sa pagkasunog sa ilang balay ang asawa sa kanhi primero ministro sa Nepal nga si Jhalanath Khanal human nga wala na makagawas dihang gidabdaban sa mga suok kaayong demonstrador ang ilang balay sa capital Kathmandu.
Ang biktimang si Rajyalaxmi Chitrakar, wala na maka-antos sa grabe nga mga paso sa lawas bisan og gidala kini sa Kirtipur Burn Hospital.
Madumdumang mi-ulbo ang demonstrasyon nga gipangunahan sa Gen Z tungod sa kontrobersyal nga pag-ban sa mga social media platforms ug sa ilang kadismaya tungod sa dili na mabangbang nga kurapsyon, kawala’y trabaho sa mga tawo ug uban pa.
Paspas nga mikanat ang kagubot kondiin gipangsunog na sa mga demonstrador ang mga government buildings, mga party offices, ug bisan ang ilang Parliament building.
Nasayrang naluwas pa sa Nepali Army ang kanhi primero ministro adiser gilamoy sa kalayo ang ilang panimalay. Samtang mi-abot na usab sa 22 ka mga tawo ang patay sa gubot nga mga protesta samtang kapin sa 300 usab ang angol.
