BUTUAN CITY – Gi-deadma lang sa Police Regional Office kon PRO-13 ang pagpanghunaw sa rebeldeng New People’s Army kon NPA kalabot sa alegasyong sila ang mipatay kang Esther Betonio – chairwoman sa Purok 21, Brgy. Tungao ning siyudad sa Butuan.
Kini ang reaksyon ni PLCol. Christian Rafols – tigpamaba sa Police Regional Office kon PRO-13, sa pamahayag ni Ka Omar Ibarra, nagpa-ilang tigpamaba sa NPA-Western Agusan del Norte-Agusan del Sur kon NPA-WANAS nga wala’y sala sa ilang grupo si Betonio rason nga wala’y rason aron ila kining pahamtangan og silot kamatayon.
Sigon ni Rafols, ingon niini na kanunay ang na-andan nga buhaton sa NPA higayong masuko ang katawhan tungod sa wala’y klaro nilang rason sa pagpatay apan kung duna’y maayong impact sa katawhan, ila kining angkunon.
Una nang gibutyag sa bana sa biktima nga si Alfaro kinsa bugtong saksi sa maong hitabo nga misiggit matud pa og ‘Mabuhay ang Bagong Hukbong Bayan,’ ang upat ka mga responsable dayong sibat human sa kremin.
