BUTUAN CITY – Andam atubangon sa usa ka kumander sa New People’s Army kon NPA ang kasong kriminal human kini mitahan sa kasundaluhang sakop sa 401st Brigade, Philippine Army nga naka-base sa Prosperidad, Agusan Del Sur.
Sigon ni Estelito Camino Jr. alyas Ka PUMA, kumander sa North Eastern Mindanao Regional Committee sa NPA, nga naglihuk sa Surigao del Sur ug Agusan Del Norte ug Agusan Del Sur, naglaum siyang mapaubsan ang silot nga iyang dawaton tungod sa iyang pagsurender ning mi-aging adlaw.
Nasayrang rason sa pagtahan ni Ka Puma ang kalisud sa kinabuhi sa bukid ug kawalay oras sa pamilya. Gawas pa kini sa pakyas nga pagtuman sa saad sa NPA nga suportahan ang iyang pamilya.
Nakita usab niini ang korapsiyun sa maong kalihukan diin ang mga dagkong opisyal, mangwarta sa mga mangilkil sa mga negosyante ug mag-uuma.
Gusto matud pa niyang mahimong ihimplo sa iyang mga kaubanan usab nga nagplanong ng mosurender human napamatud-an nga dili pasipad-an sa mga sundalo ang motahan nga rebelde sukwahi sa gipasi-atab sa pipila nila ka mga opisyal. (Rolan Janea)
