BUTUAN CITY – Gidayeg sa defense team gikan sa Pilipinas ang nahimong paghawid sa lead counsel ni kanhe Pangulong Rodrigo Duterte sa ICC, si Nicholas Kaufman.
Sigon ni Atty. Alfredo Lim Jr., klaro ang mga argumento ni Kaufman ug nabati ang iyang sinseridad ug pagka-maunongon sa mga pamahayag mahitungod sa kanhe presidente.
Para kang Lim, kini ang importante sa kaso ni Duterte aron masayran sa mga huwis sa ICC nga inosente ang giakusahan sa bug-at nga pasangil sa crimes against humanity.
Samtang para kang kanhe Chief Presidential Legal Counsel Atty. Salvador Panelo, nagtoo silang kusog ang away ni Duterte tungod kay gipamulitika lang kini sa mga ka-agbat sa kanhe pangulo.
Pamugos pa niini nga kaonon lang ang kasamtangang administrasyon sa mga Duterte rasong gipamugos nilang pahagbaon sila sama sa mga lakang batuk sa kanhe pangulo nga karun nagbilanggo sa ICC.
Sa panig usab ni kanhe Labor Secretary Silvestre “Bebot” Bello III, maglisud ang prosekusyon nga pamatud-an ang mga alegasyon batuk kang Duterte.
Para sa kanhe kalihim, daling mag-akusa og pgpatay apan ang pagpamatood sa alegasyon nagkinahanglan og makuting proseso.
Ilabina kung walay direktang ebidensya batuk sa giakusahan, mahulog lang sa pagbasura ang bug-at nga pasangil.
