BUTUAN CITY – Dili pa gihapon makatuo ang usa ka inahan sa North Carolina tungod kay mas nadoble ang meaning sa adlaw’ng natawhan sa iyang anak ngadto kaniya human siya midaog og $161,929 nga premyo sa lottery sa adlaw nga natawhan sa iyang anak nga babaye.
Sigon ni Linda Rogers, residente sa Denton, nihunong siya sa Mobil Mart sa East Salisbury Street sa Denton niadtong Sabado—nga mao usab ang birthday sa iyang anak—ug nipalit og balor 2-dolyares kon kapin sa usa ka gatus ka pisos nga kantidad nga 10X nga Cash Fast Play ticket ug wala niya damhang nahimong jackpot winner siya.
Sigon ni Rogers, labi pang nahimong espesyal ang birthday sa iyang anak tungod sa iyang pagkadaog ilabina nga dugay na kaayo siyang naglaum nga makadaog og ing-ani kadako nga premyo.
Sumala pa niya, ang kwarta nga iyang nadaog magamit niya sa pagpalit og bag-ong sakyanan ug sa pagpa-ambit sa iyang pamilya—lakip na sa iyang birthday girl.
