BUTUAN CITY – Nakuratan ang mga supporters sa Harris-Walz tandem sa katapusang adlaw sa Democratic National Convention dihang gipakita ang surprise video appearance ni NBA superstar Stephen Curry nga nag-endorso sa maong tandem.
Nanghugyaw sa surprise video appearance ni Curry ang tanan kansa gipakita sa tunga-tunga sa convention ning adlawa kondiin hugot niyang gi-endorso ang duha dungan sa pagsulting si Kamala ang magbalik sa panaghi-usa sa mga US citizens ug dili kay mubahin-bahin na hinuon sa katawhan sa ilang nasud.
Gihimo pang ehemplo ni Steph ang panaghi-usa sa mga Olympians sa nakalabay’ng Paris Olympics tungod sa tabang nila Kamala ug US President Joe Biden, rason nga ilang nadala ang kampeonato batuk sa uban pang mga nasud.
Sigon ni Steph, kini usab ang mahatag sa Harris-Walz tandem ngadto sa katawhan sa Amerika.
