BUTUAN CITY – Nahalin na sa kantidad nga $4.68 milyones kon kapin sa P235-M ang basketball jersey ni NBA legend Michael Jordan. Sigon sa Sotheby’s auction sa New York, gisuot ni Jordan ang maong jersey sa championship sa Chicago Bulls niadtong 1996-1997 season.
Una na nilang gila-umang dili mu-ubos $4 hangtud $6-M ang halinon niini sukad gi-anunsiyo kini niadtong Oktubre. Gisuot ni Jordan ang jersey sa halos 17 ka mga dula niadtong Marso 12, 1997 niadtong rookie pa lang si Allen Iverson ug nag-cross over kang Jordan nga usa sa mga iconic highlights.
Nasayrang dili batasan ni Jordan gna balik-balikon ang iyang mga jersey.
Gawas sa maong jersey gi-apil usab pag- auction ang laing mga gamit ni Jordan sama sa puti nga Bulls jersey, bandila nga suot niya sa pagdawat niya sa 1992 gold medal Olympics ug warm-up top ug sneakers dihang nagdula pa siya sa University of North Carolina.
