BUTUAN CITY – Gideklara sa nasudnong kagamhanan sa Argentina ang usa ka adlaw nga national holiday karong adlawa aron mahatagan og igong panahon ang victory caravan ug selebrasyon sa pagsa-ulog sa pagkampyon sa ilang national football team sa 2022 FIFA World Cup.
Sa eksklusibong pakighinabi sa Bombo Radyo Butuan, gipadayag ni Bombo international correspondent Ian Mar Limbag nga kagahapon pa lang, nangandam na ang mga Argentinians sa pag-abot sa rason nga gideklara na sa kagamhanan karong adlawa ang holiday.
Miabot matud pa ang mga footballers pasado alas-tres sa kaadlawon, oras sa Argentina samtang alas-dos kagahapon sa hapon – oras sa Pilipinas.
Gisugdan ang caravan sa capital Buenos Aires pasado alas-dose na sa udto kansa milungtad og unom ka oras ug pugsanon na lang nga gitapos tungod sa grabe kadaghan sa mga tawo nga nagdasok sa kadalanan kondiin dili na halos maka-abante pa ang caravan.
