BUTUAN CITY – Padayon karun ang gibuhat nga mga lakang sa Department of Environment and Natural Resources kon DENR-Caraga aron mapadayon ang National Greening Program kon NGP.
Sigon ni Nelson Caranzo,Officer-in-Charge sa Community Environment and Natural Resources Office kon CENRO – Nasipit, diin cover niya ang area sa Butuan City og mga lungsod sa Buenavista, Nasipit og Carmen, nga bisan og wala nay budget ang maong programa alang sa bag-ong area development, mihimo og mga inisyatiba ang ahensiya aron mapadayon ang pagpananom.
Lakip sa inisyatiba ang pagpatuman sa compliance sa cutting permit ngadto sa mga mining companies diin mobayad sila og 100 ka seedling ugaling makaputol og usa ka natural nga mitubong kahoy samtang 50 ka seedling usab ugaling planted nga kahoy.
Ang nasangpit nga mga seedling, gihangyu kini nga dinhe itanom sa rehiyon sa Caraga.
Samtang dunay kamanduan usab kini sa iyang ginsakpan naa sa field nga magbuhat og nursery aron kung dunay mangayu og seedling ila gihapong mahatagan.
Una nang gibutyag ni Caranzo nga malampuson ang National Greening Program diin base sa pagtoon nga gihimo sa Caraga state University, misaka ang forest cover sa rehiyon.
Apan gi-angkon niing dako pa ang area nga potential nga matamnan og kahoy nga mao karuy ilang gitutukan. Kini dayung pahayag sa ka-importante sa kahoy diin dako kinig tabang sa kinaiyahan.
Pasabot pa sa opisyal nga ang kahoy maoy mosuyop sa carbon dioxide nga gipagawas sa mga paktorya, sakyanan ug uban pa rasong ang kahoy maoy makapabalanse sa kinaiyahan.
