BUTUAN CITY – Nakatala na og local transmission ang lungsod sa Nasipit sa Agusan del Norte.
Sa gipagawas nga advisory sa Rural Health Unit sa maong lungsod kagahapong adlawa, nasuta nga ang ilang dugang 2 ka kaso sa COVID-19 wala’y history of travel o exposure man lang sa mga area nga adunay local transmission.
Tungod niini, hugtananong nanawagan ang mga opisyal sa lungsod ngadto sa mga Nasipitnons nga i-apply ug oberbahan ang mga nagtunhay nga minimum health standards bisan asa man nga lugar sa lungsod, mapabalay man, opisina, pribadong establishemento ingon man sa mga pamublikong lugar.
Gi-awhag usab ang mga Nasipitnons nga magsuot kanunay og mga face mask ug face shields matag-gawas sa ilang panimalay, ug gilayon itugyan ang kuganglingon ngadto sa Barangay Health Emergency Response Team (BHERT) kon makasinati og mga simtomas sa sakit.
Nasayran nga ang 2 ka local tranmission cases sa Nasipit gilangkuban sa usa ka 68-anyos nga taga Barangay Triangulo, kinsa nakasinati og paglisod sa pagginahawa, ug gi-admit na sa Holy Child Hospital ning dakbayan. Wala kini exposure sa COVID-19, ingon man walay travel hisrtory sa mga area nga adunay local transmission. Ikaduha ang usa ka 22 -anyos nga taga Brgy 1. adunay sip-on, nakasinati og pagpanakit sa tutunlan ug gi-admit na sa Drug Rehab quarantine facility. Wala usab kini exposure sa COVID-19 ingon man travel history sa mga area nga adunay local transmission.
