BUTUAN CITY – Sunod nga maka-agbat ni Pinay tennis sensation Alex Eala sa semifinals sa Mubadala DC Open si Naomi Osaka sa Japan human niya gipildi si World No. 10 ug No. 2 seed Ukrainian player Elina Svitolina kaganinang buntag sa score nga 6-3, 6-4.
Kini na ang ikaduhang higayon nga napildi niya si Svitolina karong tuiga human sa ilang unang panagtagbo sa Berlin Open. Nasayrang nakasulod usab si Osaka sa semi finals human niya gipildi si Elisabetta Coccia Retto sa quarterfinals.
Ang ilang panag-agbat unya ni Osaka ugmang adlawa, mahimong usa ka dako nga pagsulay alang kang Eala tungod kay si Osaka maoman ang 4-time Grand Slam singles champion gawas nga kanhi World No. 1 pa kini ug usa sa labing eksperyensiyadong player sa Women’s Tennis Association kon WTA Tour.
