BUTUAN CITY- Nakitaan og dakong ihap sa nanoplastics ang mga bottled water nga baligya sa USA. Kini ang nasuta sa pagtuon sa New York’s Columbia University, diin sumala sa mga siyentipiko nga dili pa nila masuta kong duna ba kaha kini ikahatag nga impact sa lawas sa mga tawo nga mo inom sa maong mga botelya sa tubig.
Sigon usab sa artikulo nga gi luwat sa American journalist nga si Kaitlin Sullivan nga dili pa sigurado ang ubang mga seyintipiko kung fatal ba gayud ang resulta sa maong mga partikulo sa lawas sa mga tawo.
Kahibaloan nga ang nanoplastics, mao kadtung mga plastics nga dili na makita sa mata tungod sa kagagmay, anaa lamang sa 1 nanometer ngadto na sa 5 millimeters ang diametros niini, kung itandi, 100,000 times kini nga mas gamay kontra sa usa ka normal kabaga nga papel.
Sigon sa pagtuon sa mga seyentipiko nga bisan asa lamang matud pa makita ang mga nanoplastic sa tibook kalibutan, sama sa Antartika, o bisan sa mga opisina, o kaha sulod mismo sa lawas sa mga tawo. Ang maong mga partikulo dali lamang makalusot sa blood-brain barrier, kansa nagprotektar sa utok sa tawo gikan sa mga toxins.
