BUTUAN CITY – Hingpit nang nailhan ang patay’ng lawas nga nakaplagang naglutaw sa Agusan River sa may Barangay Pagatpatan ning siyudad sa Butuan, ensaktong usa ka semana human kini nakit-an sa nakalabay nga semana, adlaw nga Lunes.
Naila ang biktimang si Crisanto Macasiling, gibana-banang 40-anyos ang pangedaron, olitawo nga lumad nga taga Negros apan nagsaka sa may Barangay Obrero ning siyudad sa Butuan og drayber sa sikad.
Nasayrang dili na maklaro pa ang nawong sa maong biktima sa dihang kini napalgan tungod kay padugta na kini.
Sa eksklusibong pakighinabi ning sibyahan kang Junrey Paican diin nagsaka sulod sa 11 ka tuig ang biktima, gipahayag niining kagahapon sa hapon sa dihang dunay mipahibalo kaniya nga muadto sa pribadong punerarya diin nahimutang ang nakaplagang patay’ng lawas tungod kay daw mao na kini ang gipangeta nila human nawala sa nakalabay pa nga sabado.
Didto na nailhan nila kini tungod na usab sa inborn niini nga pahak sa likod sa iyang ulo.
Dako ang pagtoo niini nga naka-inom ang biktima niadtong higayona ug sa dihang miadtu kini sa daplin sa suba aron unta magpagawas sa iyang hugaw, nadalin-as kini ug wala na makarekober pa.
Kumbinsido usab kini nga walay foul play sa hitabo.
