Na-missing nga pamilya atol sa pagbaha sa Agusan del Sur, nakaplagan na

BUTUAN CITY – Nakaplagan na ang patay’ng lawas sa usa ka pamilya sa Talacogon, Agusan del Sur kansa nawala human mitiklaob ang ilang gisakyang pumpboat atol sa paghikling tunga-tunga sa dakong pagbaha sa niaging mga adlaw.

Sigon ni SPO3 Abelardo Labis sa Talacogon Municipal Police Station, nakit-an ang patay’ng lawas sa asawa nga si Judith Noha sa suba sa may Barangay San Nicolas sa maong lungsod samtang ang lawas sa bana niining si Jimboy, nakaplagan sa San Luiz ug ang tre anyos nilang anak nga si Donaire, nakit-an sa Las Nieves area.

Ang patay’ng lawas sa mga biktima, gipahiluna na didto sa ilang lugar sa Barangay San Agustin sa Talacogon, Agusan del Sur diin atua usab ang ilang kabanay.