BUTUAN CITY – Gikumpirma ni Capt. Jonnel Castillo, Civil Military Operation kon CMO Officer sa 901st brigade, Philippine Army nga nahatud na sa katapusang pahulayanan si Myrna Sularte alyas Ka Maria Malaya, ang top leader og secretary sa communist terrorist groups’ (CTG) Northeastern Mindanao Regional Committee (NEMRC) kansa miyembro usab Political Bureau sa Communist Party of the Philippines (CPP).
Sigon ni Capt. Castillo nadisesyunan sa pamilya nga didto ilubong si Ka Maria Malaya sa Surigao City diin gilubong usab ang iyang bana nga si George Madlos alyas Ka Oris og usa ka anak.
Samtang giklaro usab sa opisyal nga wala pa nahatag ang 5-milyones pesos nga reward money diin sumala ni Capt. Castillo taas pa ang proseso niini aron madawat sa mga informant.
Sa laing bahin, natunulan usab og Gold Cross medal ang mga sundalo sa 30IB nga naka-neutralize kang Ka Maria Malaya og laing duha ka mga kauban niini.
Kini dayung pagklaro nga gigukod nila karun ang mga kaubanan ni Ka Maria Malaya nga anaa sa ilang Area of Responsibility.
