BUTUAN CITY – Sentro karon sa atensyon online sa United Kingdom ang WeAreFeel, usa ka supplement subscription company tungod sa pinasahi nilang limited-edition sa multivitamin pill nga gidesinyo aron pakinlawon ang inyong toilet bowl kung magpagawas ka sa imong hugaw.
Ang sinaw nga supplement nga nagkantidad og 14.50-dolyares ko kapin 2-mil pesos matag-30 ka capsules – duna’y sulod nga 18 ka managlahing vitamins og minerals, apil na niini ang Vitamin A, Vitamin D3, Folic Acid, zinc og iron, og ang daghang makaon nga mga glitters muderetso na ngadto sa imong hugaw rason nga maggilak-gilak na kini higayong maka-abot sa bowl.
Sigon sa WeAreFeel, ang glitter, bisan og makaon, dili ma-digest sa hingpit diha sa tiyan hinungdan nga la-umang adto kini mupadulong sa imong hugaw.
Ang dili makahilong glitter sa WeAreFeel multivitamin capsules gama gikan sa acacia gum og food colourings og wala’y sagol nga GMO, anti-adherents, lactose o ,kaha gluten.
Malingaw matud pa tawong maka-inom niini higayong ipagawas na ang iyang hugaw tungod kay sama man kini sa binaretang bulawan kung tan-awon tungod sa daw gold nga miputos niini.
Ang sunod nilang imbentuhon nga dili mubaho ang ipagawas nga hugaw aron matan-aw pa og dugay sa hingtungdan og mahimo pang kuhaan og picture aron i-share sa ilang social media accounts.
