BUTUAN CITY – Ningpanaw na ang multi awarded nga theater producer ug director nga si Bobby Garcia sa Vancouver, Canada sa edad nga 55, ning nakalabayng adlaw lamang.
Kini ang gikumperma sa usa ka sikat nga talk show host sa Pilipinas sa susamang adlaw. Aalyon niini, nangayo usab og pribasiya ang pamilya sa nasangpit nga sikat ug usa sa mga bagtik nga derektor sa Pilipinas.
Sikat ang maong producer sa natad sa teatro dili lang sa Pilipinas kundili lakip na usab sa laing nasod, ug niadtung 1999, gitukod niini ang Atlantis Productions / Atlantis Theatrical Group of Companies.
Sumala sa bio niini nga nakasulat sa iyang kaugalingon nga website, usa matud pa si Bobby ka direktor ug prodyuser sa mga obra nga nominado alang sa Tony, Drama League, ug Outer Critics Circle Awards – mga prestihiyosong award-giving body nga nag-ila sa talento ug produksiyon sa teatro.
