-- ADVERTISEMENT --
BUTUAN CITY – Milungtad og 2-minutos ang pagbuto sa bulkang Kanlaon karong gabii.
Sumala sa seismic ug infrasound records sa Department of Science and Technology-Philippine Institute of Volcanology and Seismology kon DOST-PHIVOLCS, kini usa ka moderately explosive eruption kondiin ang plume mi-abot og 2,500 metros ibabaw sa crater ug misangko padulong sa southwest nga direksyon.
Nakit-an usab ang mga nagdan-ag nga ballistic fragments sa palibot sa crater samtang ang pyroclastic density currents (PDCs) midagayday sa eastern ug southeastern upper slopes sulod sa 2-kilometros gikan sa summit crater.
Human niini, nagpadayon ang pagpagawas sa abo (ash emission) hangtod karon.
