BUTUAN CITY – Gideklara na sa World Health Organization (WHO) nga global health emergency ang monkeypox outbreak sa Africa human sa tigom sa ilang Emergency Mpox Committee taliwa nga ang makamatay nga strain sa virus, una nang nakontrol sa Democratic Republic of Congo.
Human sa virtual meeting sa mga independent experts, ilang gitambag kang WHO Director-General Tedros Adhanom Ghebreyesus ang kagrabe na sa outbreak rason nga gi-anunsyo gilayon sa WHO ang public health of international concern kansa mao ang pinakataas nga alarm level ilalom sa international health law kansa ipagawas sa WHO sa mga extraordinary events nga duna’y hulga sa public health sa ubang mga nasud.
Ang mpox kansa naila kaniadtong monkeypox usa ka viral disease nga paspas nga mikaylap sa mga tawo gikan galing sa mga hayop nga nataptan niini.
Mapasa lang kini pinaagi sa close contact sama sa pagkupot, paghalok, pakighilawas ug paggamit sa bed sheet ug sapot sa mga nataptan niini.
Apil sa mga simtomas niini mao ang pagbaton og trangkaso, sakit sa ulo, muscle ug back pain, pagkaluya, pagbaton og pat-ak pat-ak sa lawas ug pagdako sa parte sa nawong.
