BUTUAN CITY – Dili makalimtan sa Pinay nga inahan ug anak nga mga wrestlers ang ilang kasinatian sa 32nd Southeast Asian Games sa Phnom Penh, Cambodia human nga wala damhang makakuha sila og gold ug bronze medals sa ilang pag-apil sa 65-kg ug 59-kg women’s freestyle event, usa ka adlaw human ang Mother’s Day celebration.
Sigon sa 45-anyos nga si Ma. Cristina Vergara, kanhi atleta ug coach, usa ka perfect mother’s gift alang kaniya ang pagsakmit niya og gold alang sa 65kg women’s freestyle event nga misamot pa human nga ang iyang anak nga si Cathlyn Gee, nakakuha usab og bronze sa women’s 59kg, rason nga grabe niya ka-proud.
Ang nakahimo niining interesting mao ang pagdula ni Cristina human siya mi-retire niadtong 2007 human sa SEA Games sa Thailand. Wala na siya mi-compete sulod sa siyam ka tuig human nahimong coach.
Nasayrang aksidente lang ang pagdula ni Cristina sa 65kg women’s category human na-injured ang pambato niini kondiin gipangutana pa siya kung andam ba siyang mupuli niini.
Wala matud pa siya mitubag og o o kaha dili apan dihang nakita niyang kinahanglan ang iyang serbisyo aron makahatag og medalya sa nasud, rason nga misugal siya ug wala niya damhang mapildi niya ang pambato sa Cambodia nga si Sambat Vannak via 12-2 technical superiority rason nga nakuha niya ang gold.
