BUTUAN CITY – Parehong miluwat sa ilang katungdanan sila Miss USA 2023 Noelia Voigt ug Miss Teen USA 2023 UmaSofia Srivastava.
Sa iyang Instagram statement, gipadayag ni Noelia nga lisod kaayo ang iyang gihimong desisyon pagsurender sa iyang Miss USA 2023 title apan mao matud pa kini ang pinaka-maayo alang kaniya ug sa iyang mental health.
Isip mga indibidwal, mutubo matud pa kita pinaagi sa atong masinatiang managlahing panghitabo sa kinabuhi sa ingon mas ma-ilhan pa ang atong kaugalingon.
Ang iya matud pang journey isip Miss USA, meaningful kaayo alang kaniya, tungod kay mapasigarbuhon niyang girepresenta ang Utah hangtud na ang kinatibuk-ang Estados Unidos alang sa Miss Universe.
Samtang si UmaSofia usab nagbutyag nga human ang pila ka buwan nga pagkonsidera sa iyang desisyon, mi-resign siya isip Miss Teen USA 2023 tungod sa iyang mga personal values, kansa wala namatud pa maha-um sa direksyon sa oranisasyon.
Gipadayag niining ipadayon niya ang pagtrabaho sa iyang advocacy alang sa edukasyon ug pagdawat pinaagi sa iyang multilingual children’s book nga “The White Jaguar,” kansa iya nang gitrabaho adiser pa ang pageantry.
