BUTUAN CITY – Ningmugna og kabanha sa pageant world si Miss Grand International (MGI) President Nawat Itsaragrisil kagahapong adlawa human ning-tumaw ang mga haka-haka nga napalit na niini ang Miss Universe Thailand.
Ang maong hungihong nahitabo human gipost ni Nawat ang litrato niini sa Instagram nga dunay Miss Universe logo sa background. Samtang gi-captionan usab niya kini og “Miss Universe x MGI Org.”
Makita usab sa comment section niini ang mga pagtimbaya sa mga beauty queens ngadto kang Nawat. Lakip sa mga ning congratulate si Filipina beauty Miss Grand International 2025 first runner-up CJ Opiaza, nga gitawag pa niini ang MGI Owner og “Papa.”
Sigon sa mga local media sa Thailand nga nakuha na matud pa ni Nawat ang copyright alang sa Miss Universe Thailand ug mamahimong niining kauban si Anne Jokrajutatip, ang tag-iya sa Miss Universe. Una nang gianunsyo sa Miss Universe nga himoon sa Thailand ang maong pinaka dako nga pageant karong tuiga.
