BUTUAN CITY- Gi-question karon ang kahimtang sa impeachment complaint batok kang Vice President Sara Duterte samtang nagkadaghan ang kritisismo sa House Committee on Justice tungod sa ilang gihimong “mini trial” nga giingong nilapas na sa ilang mandato.
Sumala ni Engr. Dioric Gavino, Secretary General sa Sara All Movement, nga ang proseso unta sa ingon nga kaso kinahanglan nga pangunahan sa complainant nga magpresentar sa ebidensya, inay ang House of Representatives pa ang nangalap og impormasyon gikan sa others resources.
Gipasabot usab niini, nga dili angay magconduct og mini trial ang komite tungid ang Senado ra ang adunay katungod niini kon adunay lig-on nga basihan, ug iyang gihulagway ang mga lakang sa Kongreso isip “fishing expedition” kansa parehas sa giingong nahitabo sa miaging administrasyon.
Tungod niini, giakusahan ni Gavino ang pipila ka mga kongresista nga naglihok base sa personal nga interes ug wala nagrepresentar sa tinuod nga interes sa katawhan, nga nagresulta sa pagtan-aw nga gipakamenos ang kahibalo ug pagsabot sa mga Pilipino.
Gipatin-aw usab ni Gavino nga ang pagpasa og complaint aron ibasura ang impeachment complaint batok kang Vice President Sara Duterte dili direktang mando gikan sa Bise Presidente kundili inisyatibo sa iyang mga abogado nga gipangulohan ni Atty. Israelito Torreon, kansa nagtumong sa pagpasabot sa Korte Suprema nga walay legal nga basihan ang gihimong “mini trial” ug posibleng bias ang proseso.
Sumala niini, nga gihimo kini aron maprotektahan ang interes sa katawhan, ug giingon pa nga ang Bise Presidente mismo nag-awhag nga unahon ang kaayohan sa nasud kaysa sa iyang kaugalingon, kansa nagpakita nga ang ilang mga lakang nakapukos sa hustisya ug sa kahimtang sa mga Pilipino imbis sa kaugalingong depensa lamang.
