BUTUAN CITY – Taliwala sa kabalaka nga gi-atubang sa tibuok kalibutan tungod sa Coronavirus Diseaases-2019 kon COVID-19 partikular ang America kansa maoy duna’y pinakadaghang ihap sa mga tawong natakbuyan sa maong sakit ,nagpabilin gihapong COVID-19 free ang Federated State of Micronesia.
Sa exclusive interview sa Bombo Radyo Butuan kang Manny Apilada Oropa, lumad nga taga-Brgy. Pinana-an, Las Neives, Agusan del Norte ug karon heavy equipment operator sa Weno, Chuuk, Micronesia gipadayag niining ang sayo nga pagpatuman og lockdown sa gobyerno sa maong nasud ang rason nga nagpabiling luwas sa makamatay nga sakit ang nasangpit nga estado.
Sumala niini sugod sa pag-ulbo sa coronavirus outbreak, nagpatuman gilayon og lockdown ang kadumalahan sa maong nasud kondiin wala nay gitugutang indibidwal ug turista nga makasulod-gawas sa estado dungan sa pagpadayag nga taliwa sa lockdown nagpabilinng normal ang ilang mga panglihuk-lihok ug “business as usual” pa usab ang mga establisamiento.
Ang Federated State of Micronesia usa ka independent republic nga associated sa United States kansa gilangkuban sa upat ka mga estado nga mao ang Yap, Chuuk, Pohnpei ug Kosrae.
