BUTUAN CITY – Tungod sa nakitang crack sa karaang Magsaysay Bridge ning dakbayan sa Butuan, gibutyag ni Edly David City sa Transportation, Traffic and Management Department kon CTTMD nga temporaryo una kining gipasira sa tanang mga motorista aron ma-assess kung luwas pa ba kining agi-an.
Gitambagan ang tanang mga motorista nga adto una mu-agi sa may Macapagal bridge samtang dili pa masiguro ang kalig-on sa maong tulay nga gisusi na sa taga-Department of Public Works and Highways kon DPWH-Butuan City District Engineering Office.
Nasayrang gitukod ang maong truss bridge niadtong 1950, ilalom sa administrasyon ni Pangulong Ramon Magsaysay, rason nga gipangalan kini kaniya.
Duna kini gitas-ong 126-metros ug gilapdong 7.32-metros. Gipa-ilalom kini karon sa ₱550 milyones nga kantidad sa rehabilitasyon nga gisugdan niadtong 2023 ug gila-umang matapos sunod tuig 2026 o kaha sa unang bahin sa tuig 2027.
