BUTUAN CITY – Gisibog sa Thailand-based pageant nga Miss Grand International anmg inagurasyon nila sa “All Stars” edition, dungan sa pagsiguro nga ang una nilang gi-anunsyo nga mga contestants, magpabiling eligible.
Una nang gitakda ang kompetisyon sa Enero 25 ug gisibog ngadto sa Pebrero 13 sunod tuig nga mag-feature sa mga babaye ug mga transwomen nga nag-edad og 20 hangtud sa 40-anyos, bisan unsa pa ang ilang marital status o kaha naka-apil o midaog na sila sa mga pageant competitions.
Kini matud pa ang nadesisyunan tungod kay ma-atol man kini sa extended New Year holiday period, nga makapadelatar sa visa processing sa mga partisipante gikan sa nagkada-iyang nasud sa kalibutan.
Apil sa mga gi-anunsyo nga mahimo nang kandidata niini ang duha ka mga Filipina nga sila Miss International Queen 2022 winner Fuschia Anne Ravena ug Noble Queen of the Universe 2025 winner Alexia Núñez — human gitugutan ang matag-nasud nga mahimong makapadala og kapin sa usa ka delagado.
Ang mudaog sa Miss Grand International All Stars edition, makadawat og cash prize gikan sa P5.9 million ngadto sa P58.9 million nga idugang sa All Stars title.
