BUTUAN CITY- Subling nanawagan ang kadumalahan ning syudad sa Butuan ngadto katawhan nga magpakuna na batok sa COVID-19 virus.
Kini tungod kay wala nay pre-registration sa mga magpabakuna nga agian ug sayon na nag proseso niini.
Sumala kang Michiko De Jesus information officer sa LUG-Butuan sa pakighinabi ning sibyahan pwede na usab ang mga walk-ins basta magpakita lamang og bisan unsang pagmatuod nga residente sa dakbayan sa Butuan uban sa Identification card kon ID.
Sigon ni De Jesus gihimo kini tungod kay igo na ang suplay bakuna ug anaa na usab ang syudad sa pagpamakuna sa ubang kategorya sa populasyon.
Gidugang niini wala nay rason nga dili magpakuna ang katawhan tungod kay aduna usab Mobile vaccination nga ginalusad nga maoy mauadto sa mga barangay alang sa mga tao nga maglisod og adto sa mga vaccination post.
Samtang sarado usa ang vaccination posts sa FSUU Morelos ug FSUU Gym aron ang vaccination teams makapahigayon sa mobile vaccination apan padayon ang pagpamakuna sa SM City Butuan ug Robinsons Place Butuan.
Hatagan og prayoridad ang mga gikan sa mga naka iskedyul nga barangay apan modawat gihapon og mga magpabakuna gikan sa laing barangay.
