BUTUAN CITY – Naka-abot na sa Australia ang unang batch sa mga sundalong Filipino nga musalmot sa Pitch Black Military Exercise 2024 kansa parte sa Philippine Air Force.
Sigon ni Philippine Air Force Spokesperson Col. Ma. Consuelo Castillo, musunod kanila ang uban pang mga miyembro sa Philippine Air Force bisan unsang adlawa karong semanaha.
Ang mga sundalong Pinoy unang gihatud sa Royal Australian Air Force sa ilang base, sakay sa KC-30 aircraft samtang ang ilang mga gamit, gisakay usab sa C-130 aircraft sa Royal Australian Air Force ug sa C-295 aircraft sa Philippine Air Force.
Magsugod ang military exercises karong Hulyo 12 hangtud Agusto 2.
Lakip sa training ug simulation ang wide range tactical flying ug large scale operational collective training activities kondiin ipadala sa Pilipinas ang atong mga FA-50 fighter jets.
Kini ang pinaka-unang pagsalmot sa maong mga fighter jets sa international exercises.
