BUTUAN CITY – Nagtigi sa basketball friendship game for a cause ang mga sakop sa Police Regional Office 13 “Artistahing Pulis” batuk sa mga casts sa TV series nga ‘Ang Probinsyano’ nga gipahigayon sa Father Saturnino Urios University (FSUU) gymnasium kagahapong adlawa.
Mitambong sa duwa si Police Regional Office-13 Director BGen Pablo Labra II kauban ang Command Group, Regional Staff ingon man ang mga men and women in uniform sa Police Regional Office 13.
Ang friendly match usa ka fund-raising activity sa PNP-Caraga nga maghatag og benepisyo sa adbokasiya sa kabatan-onan ilabina sa mga sakop sa Kabataan Kontra Droga at Terorismo kon KKDAT ug kadtong anaa ilawom sa Recovery and Wellness Programs.
Ang ‘Team Artistahing Pulis ng Caraga’ gilangkuban dili lang sa mga kusgan, isog ug ambungan nga mga pulis kondili apil na ang pagbaton nila og abilidad sa pa-ugnat sa kusog.
Samtang ang mga artistang apil sa midula mao sila si Jeric Raval, Marcos Alcaraz, Aljur Abrenica, Joko Diaz, Joross Gamboa, Mark “Big Mac” Andaya, Wendell Ramos, Diego Loyzaga uban sa PBA superstar Arwind Santos, ug Miss Katya Santos.
