BUTUAN CITY – Gihagit sa usa ka opisyal sa Catholic Bishops’ Conference of the Philippines kon CBCP ang mga pulitiko nga mag-puasa og maglikay sa ‘pangungurakot.’
Kini ang gihimo nga pamahayag ni CBCP-Episcopal Commission on Public Affairs executive secretary Fr. Jerome Secillano alayon sa pormal nga pagsugod sa panahon sa Kuwaresma karung adlawa.
Dungan niini, gihagit usab ni Secillano nga ang pag-fasting og pag-abstain dapat nga seryosong himoon ug dili pagkitang-tawo lang karung panahon sa Kuwaresma. Gawas sa pagpuasa og paglikay, nanawagan usab ang pari sa mga magtotoo nga mahimong manggihatagon og maloloy-on.
Sumala sa pari nga ang mga nasangpit nga buhat dapat nga himoon sa tanang higayon ug dili lang sa panahon sa Kuwaresma. Nasayrang Gihagit usab sa Catholic Bishops’ Conference of the Philippines kon CBCP ang mga Katoliko nga mohimo og digital fasting karung Kuwaresma.
Sa gipagawas niining pastoral letter nga dunay titulong “Fasting Beyond Food: Inviting Christ into Digital Media Use,” gibutyag sa CBCP nga ang Kuwaresma nga magsugod sa Ash Wednesday usa ka higayon para sa bag-ong kinabuhi pinaagi sa pag-ampo, pagpuasa ug buhat sa kalooy.
Bisan matud pa nga sa na-andan nakatutuk ang pagpuasa sa paglikay sa pagkaon, mamahimo usab kining pagpalayo sa mga makabalda lakip na ang hilabihang paggamit sa digital media nga nagpaluya sa spiritual life.
