BUTUAN CITY – Gi-awhag sa Philippine Embassy sa Lebanon ang tanang mga kababayang Pinoy nga biyaan na dayon ang maong nasud samang abli pa ang Beirut airport tungod sa posibleng pag-ulbo sa all-out war tali sa militanteng grupong Hezbollah nga suportado sa Iran Iran ug sa Israel.
Sa gipagawas nga advisory sa Philippine Embassy sa Lebanon kagabii, gitambagan niini ang tanang mga Pinoy nga unahon ang ilang kaluwasan ug biyaan gilayon ang nasangpit nga nasud sa labing daling panahon.
Alang niadtong dili makabiya sa Lebanon, gimanduan sila pagbalhin ngadto sa mas luwas nga lokasyon sa gawas nga bahin sa Beirut, South Lebanon ug sa Bekaa Valley.
Gi-anunsyo usab sa embahada nga ila nang gi-facilitate ang pagpabiya sa mga kababayang gusto nang mupa-uli sa Pilipinas.
Madumdumang mi-ulbo ang kagubot sa Lebanon human human sa Israeli strike sa Beirut ning mi-aging buwan ilabina sa southern suburbs nga mikalas kang Fuad Shukr, usa sa mga top commanders sa Hezbollah, pila ka oras usab adiser ang pag-atake sa Tehran, Iran nga gitu-uhang binuhatan usab sa Israel, kansa mikalas usab sa political leader sa Hamas nga si Ismail Haniyeh.
Kagahapon, nagpagawas og video ang Hezbollah nganagpakita sa mga underground tunnels ug mga dagkong missile launchers.
