-- ADVERTISEMENT --
BUTUAN CITY – Alarming na ang mga nagpositibo sa sakit nga Human Immunodeficiency Virus kon HIV ilabina sa kabataan sa nasud.
Sigon ni Jurgen Rushell Rapacon, nangulo sa Philippine Nurses Association Ilocos Norte Chapter ug Certified Counselor sa Department of Health, mas mi-ubos pa ang edad sa mga aduna’y HIV.
Sa natalang statistics niadtong buwan sa Hulyo ning tuiga, gibutyag ni Rapacon nga mi-abot sa 1,111 ang natalang kaso sa HIV sa nasud sulod lang sa usa ka buwan kon 37 ka mga kaso kada-adlaw kansa makonsiderang alarming.
Samtang gibutyag usab ni Rodenver Mahor, HIV Proficient Med-Tech nga pinakabata niini anaa sa edad nga 15 hangtud 17-anyos.
