BUTUAN CITY – Atimanon sa inahan ni Manny Esteves, presidente sa Grand View Colleges, nga si Baybee Aya Esteves ang tanang kinahanglanon aron hingpit nang maka-graduate ang kapin kon kulang 30 ka mga graduating students nila nga wala nakapaso sa una nang gitakdang eskedyol niadtong buwan sa Mayo.
Sa eksklusibong interview sa Bombo Radyo Butuan, gipadayag ni Baybee Aya Esteves nga mipa-ui siya ng Pilipinas gikan sa Amerika aron at imanon ang tanang mga trabahuong wala natapos sa iyang anak nga na-ospital tungod sa stage 4 cancer.
Alayon niini gitakda nila sa Oktubre 27 ning tuiga ang graduation ceremony sa mga graduating students sa kursong Office Management aron dili matud pa. ma-frustrate ang mga estudyante ilabina nga kinahanglan nilang makuha ang ilang mga school credentials nga gamiton sa ilang pag- apply og trabaho.
Misaad usab ang inahang Esteves nga dili siyia mubalik sa Amerika hangtud nga dilii niya matapos ang mga trabahong kinahanglan niyang tapuson ilabina ang paghatag og mga school credentials base sa gitakda nilang requirements ug guidelines.
Mahinumdumang gireklamo sa maong mga estudyante ang pagbalewala matud pa ni Esteves kanila rason nga wala’y natigayong graduation ceremonies niadtong Mayo ug wala usab sila’y nakuhang mga credentials.
Una nang gipadayag sa usa sa mga estudyante nga mukabat sa 30-mil pesos ang iyang nagasto sa pagproseso sa mga kinahanglanon aron maka-graduate lang apan nahanaw nga daw bula dihang wala na mipatim-aw pa si Manny Esteves.
Gusto lang matud pa nilang makuha ang ilang graduation certificate, transcript of records apil na ang mga original copy sa gisubmite nilang mga requirements na record nila sa pagtuo nila sa high school.
