BUTUAN CITY – Gikumpirma ni Romelyn Torralba, Public Information Officer sa Department of Healht kon DOH-Caraga nga milansang na sa 13 ka mga kaso nga dunay kalabutan sa pabuto ang natala sa ilang buhatan hangtud kagahapong adlawa Disyembre 31, 2016.
Gitumbok sa opisyal ang piccolo nga maoy hinungdan gihapon sa maong insedente diin ang mga biktima nagpangedaron sa 6-anyos ngadto sa 15-anyos kansa sila mismo ang nagpabuto.
Tambag nalang niini nga kung mabuthan man, hugasan kini ug running water ug ipatan-aw sa doktor.
Nanghinaot usab ang opisyal nga dili na madugangan ang maong ihap hangtud karun Enero 5, 2017 nila nga monitoring.
Nasayrang mas ubos ang natalang firecracker related injuries karung tuiga ning rehiyon kumpara sa niaging tuig nga miabot sa 81 ka kaso.(rolan)
