BUTUAN CITY – Ibulgar karong semanaha ni Pangulong Rodrigo Duterte ang mga media entities nga nagpabayad og gihimong negosyo ang paghatag og balita batuk sa mas gipahugtang anti-illegal drug campaign sa iyang administrasyon.
Sa rally sa PDP-Laban sa Cabadbaran City, lalawigan sa Agusan del Norte kagabii, partikular nga gipanganlan sa pangulo ang Philippine Center for Investigative Journalism kon PCIJ nga muhimo og makuting imbestigasyon batuk sa iyang kampanya.
Gikan matud pa sa laing nasud ang naghatag kaniya og impormasyon kondiin unod niini ang conversation sa maong mga media entities og mga drug cartels og nasud nga nagbayad kanila og dako, maguba lang ang iyang anti-illegal drug campaign.
Dugag pa sa pangulo, bisan og hatagan pa siya og napulo ka tuig nga termino, kung magpabiling kurakot ang mga anaa sa palibot gikan sa mga opisyal hangtud sa mga anaa sa media, dili pa gihapon masulbad ang problema sa ilegal nga druga.
Una nang gipadayag sa pangulo sa campaign rally nila sa Batangas nga ang media man nga nagtrabaho lang og wala gipunduhan sa usa ka organisasyon o kaha nasud, mao kadtong mga media man nga baho tungod sa singot, baho ang kili-kili og baba tungod kay wala’y pangpalit og deodorant og toothpaste.
