BUTUAN CITY – Gilusad sa 30th Infantry Battalion uban sa pakig-alayon sa Couples For Christ ang Christian Life Program kon CLP alang sa mga kanhi rebelde isip kabahin sa ilang spiritual enlightenment nga gipahigayon sa 30IB headquarters, sa Brgy. Sta. Cruz, lungsod sa Placer, Surigao del Norte.
Sigon ni 1Lt. Ken Enciso, Civil Military Operations kon CMO officer sa maong brigada, ang Christian Life Program usa ka integrated course nga gitumong paggiya sa mga partisipante ngadto sa gibag-ong pagsabot sa panawagan sa Ginoo kanila isip mga indibidwal.
Mi-abot sa 12 ka managlahing sessions ang anaa sa maong programa nga gitunga sa tulo ka modules nga himuon sa tulo ka sunod-sunod nga Dominggo.
Mayoriya sa mga sessions gilangkuban sa tulo ka mga basic ingredients: ang pagtudlo, duna usa’y group discussion, og panahon alang sa fellowship nga mulungtad og duha ka oras.
