BUTUAN CITY – Gipadayag ni Presiding Officer Chiz Escudero nga magpagawas siya og desisyon kabahin sa pagkomento sa merito o unod sa kaso samtang nagpadayon ang impeachment trial ni Vice President Sara Duterte gumikan sa daghang higayon nang milapas niini.
Adiser ang pagtapos sa hearing kagahapong adlawa, gipanghisgutan sa lead defense counsel nga si Atty. Sheila Sison ang usa ka post sa social media nga gihimo sa private prosecutor nga si Atty. Amando Virgil Ligutan.
Kini kalabot na sa gika-ingong usa ka prinsipyo nga nasayod pag-ayo ang tanang abogado ug estudyante sa abogasya nga ang mga pangutana nga makapahisalaag, dili tugotan bisan pa sa cross-examination.
Gipadayag ni Sison ang iyang pagkadismaya sa maong post sa prosecutor, dayong butyag nga klaro kining nakalapas sa Rule 18 sa mga lagda sa impeachment.
Alang kaniya, ang impeachment court usa usab ka korte nga adunay hustong pamatasan ug decorum, ug ang Rule 18 sa impeachment klarong nagdili sa mga partisipante, ilabi na sa mga abogado, sa pagkomento bahin sa merito sa kaso.
Dinhi na gipadayag ni presiding officer Escudero nga duna na siya’y gi-draft nga order kalabot niini human nakumpirma ang pila ka higayong paglapas sa prosekusyon sa maong patakaran, base sa iyang gimando ngadto sa clerk of court nga i-monitor ang duha ka panig human sa mga trials.
Iyang gipasalamatan si Atty Sison sa maong manifestation tungod kay duna na siya’y dakong rason aron ipagawas gilayon ang maong kamanduan.
