BUTUAN CITY – Gi-angkon sa kadumalahan sa 23rd Infantry Battalion, Philippine Army nga dunay nadawat silang mga reports mahitungod sa recruitment nga gihimo sa walhong grupo diha sa mga tunghaan.
Gigamit matud pa sa maong grupo ang teknolohiya sa karun aron makasabwag og ideyolohiya diin pwede na maka-lecture bisan og dili face-to-face.
Tungod niini, gibutyag ni Capt. Mark Ron Tampos, Civil Military Operations kon CMO Officer sa 23rd Infantry Battalion, Philippine Army nga gipahugtan nila ang gihimong awareness campaign aron unhan ang taktika sa pikas grupo.
Tungod niini, gihangyu sa opisyal ang mga ginikanan nga bantayan o monitoron ang ilang mga anak aron dili kini madala sa kabukiran.
Kini dayung panawagan sa katawhan nga tabangan ang kumunidad nga dili masudlan sa New People’s Army.
