BUTUAN CITY – Doble ang pag-amping sa mga Filipino sa London human ang terror attack kagabi-i diin 5 ang natalang patay samtang dili mominus sa 40 ang samaran.
Kini ang gipa-abot gna impormasyon pinaagi sa social media ni Eugene Mataranas Unabia, nga taga Barangay San Luiz, Caraga, lalawigan sa Davao Oriental nga namenyu ug langyaw ug nagpuyo karun sa Stratford, East London.
Sigon ni Unabia, anaa sila sa maayong kahimtang tungod kay layu ra sa ila ang nasangpit nga terror attack apan doble ang pag-amping gihapon nila ug milikay sa mga daghay tawo nga lugar, base na usab sa pahimangno sa kapulisan.
Apan anaa sa office pa ang iyang anak nga si Fredie nga dool lang sa maong nahitaboan.
Nagpabilin lang matud pa sila sa office samtang naminaw sa kabanha sa sakyanan sa police ug ambulansiya.
Samtang gi-suwerte usab ang iyang bana nga bag-ohay palang miabot sa ilang balay nga gikan sa trabaho diin milabay pa kini sa Westminster Bridge usa ka oras adiser nahitabo ang pag-atake.
Gipadayag usab niini nga ang nahitaboan sa pag-atake usa ka dagsaonon nga lugar tungod kay kini ang usa sa mga landmarks sa London.
