Mga estudyante ning siyudad, gi-awhag sa pagnegosyo

BUTUAN CITY – Mga batan-ong negosyante ang kadaghanang gitabangan karon sa Butuan City Trade, Industry and Investment Promotions Office nga mulambo ang negosyo.

Sa eksklusibong pakighinabi sa Bombo Radyo Butuan, gipadayag ni Frederick Blancas, hepe sa maong buhatan, nga subay sa ilang tinguhang mas mu-angat pa ang business industry ning siyudad, mas gitutukan nila sa ilang mga workshops ang mga kaagi sa mga batan-ong negosyante gikan sa ilang pagsugod hangtud na sa ilang paglambo.

Gani ang mga estudyante nalipay sa gihingusgan karon sa ilang buhatan human nakita nga bisan sa ang gamay nilang capital, mahimo na silang magsugod sa negosyong nakatutok sa ilang hilig nga himuon.