BUTUAN CITY – Pormal nang gitumbok sa prosecution team na International Criminal Court (ICC) ang pipila ka tag-as nga kanhi ug kasamtangang opisyal sa Pilipinas nga apil matud pa sa mga “co-perpetrators” kon kakunsagbo ni kanhi Pangulong Rodrigo Duterte sa kontrobersiyal nga kampanya kontra ilegal nga droga.
Sa pagpadayon sa pagdungog sa international tribunal, partikular nga gi-usa usa ni ICC Trial Lawyer Robynne Croft ang mga nag-unang opisyal nga duna’y importanteng papel sa pagpatuman sa duguong war on drugs sa mi-aging administrasyon.
Apil sa mga gipanganlan sila kanhi Philippine National Police (PNP) Chief ug kasamtangang Senador Ronald “Bato” Dela Rosa, Senador Christopher “Bong” Go, ug Department of Justice (DOJ) Secretary Vitaliano Aguirre II ug uban pa..
