BUTUAN CITY – Nakita ni kanhi Butuan City Councilor Engr. Sergio Pascual nga gigisa sa kauglaingong mantika ang mga Butuanon tungod sa problema sa tubig nga wala pa masulbad sukad pa kaniadtu apan gitu-uhan sa katawhan nga nasulbad na.
Sigon ni Pascual, daghan matud pa kaayong isyu ang naglimen sa problema sa tubig ning dakbayan nga misangput pa sa pagpakaso og batuk kaniya, tungod sa iyang pakigbisog sa maong problema kansa hangtud karon, wala pa nasulbad.
Sigon ni Pascual, duna matud pa’y sayup ang pagtukod sa dam alang sa bulk water supply ning syudad nga gipanag-iyahan sa kompanya ni Mayor Ronnie Vicente Lagnada.
Sumala pa, nakalapas ang pagtukod niini sa IPRA law kon Indigenous Peoples’ Rights Act tungod kay wala man kini ning-agi og konsultasyon sa mga Indigenous people adiser gitukod.
Dili matud kinahanglan og dakong budget sa tubig tungod kay ang problema lamang niini sukad kaniadto, mao lang ang kalimpyo og dili ang kakulangon sa tubig.
Dugang pa ni Pascual, ang problema kay mahimo gihapong hugaw ang tubig sa Butuan ilabina kung mag-ulan tungod sa siltation nga matigom sa ibabaw. Gawas niini, bayaran pa sa katawhan ang kompanya ni Lagnada og hapit siglo pinaagi sa Butuan City Water District, ug ugaling dili makabayad, ang katawhan ang patungan og interest.
Ang pamahayag ni Engr. Sergio Pascual.
