BUTUAN CITY -Gihukman og silot-kamatayon sa usa ka korte sa China ang onse ka mga membro sa usa ka notorious family nga nagpadagan og scam centres sa Myanmar human nahukmang guilty sa paglusad og mga criminal activities, ug kadaghanan, nahukman og taas nga tuig sa pagkapriso.
Ang pamilya Ming, nagtrabaho alang sa usa ka upat ka mga clans nga nagpadagan sa usa ka mingaw nga lungsod sa Laukkaing, duol sa utlanan tali sa China, ug gihimong hub alang sa pasugal, ginadiling druga ug mga scam centres.
Niadtong tuig 2023, daling gibungkag sa Myanmar ang maong mafia pinaagi sa pag-aresto sa mga membro sa pamilya dayong tugyan kanila ngadto sa mga otoridad sa China.
Mi-abot sa kinatibuk-ang 39 ka mga membro sa Ming family ang gihukman kagahapon sa eastern city sa Wenzhou, gawas pa sa laing 11 nga gihukman og silot-kamatayon uban sa duha ka tuig nga suspensions; 11 usab ang gihukmang mabilanggo sa tibuok kinabuhi samtang ang uban, mabilanggo og lima hangtud 24 ka mga tuig.
Nasuta sa korte nga sukad niadtong tuig 2015, ang pamilya Ming ug ubang mga criminal groups, nalambigit sa mga criminal activities sama sa telecommunications fraud, illegal casinos, drug trafficking, ug prostitusyon kondiin mikita sila sa maong kalihukan og kapin sa 1.4-bilyunes dolyares kon bugti sa kapin 82-bilyunes pisos.
