BUTUAN CITY – Gipadayag si Meta founder Mark Zuckerberg nga andam ang social media giant mugasto og gatusan ka bilyon ka dolyar aron pagtukod og dagkong artificial intelligence kon AI data centers sa Estados Unidos.
Ang unang multi-gigawatt nga data center, nga tawgon unya og Prometheus, gila-uman nga mag-operate pagsugod sa tuig 2026. Sigon ni Zuckerberg, ang usa sa mga sites moputos og luna nga hapit susama kadako sa Manhattan subay sa ilang paningkamot nga makamugna og ‘superintelligence’ – usa ka teknolohiya nga mahimong molabaw pa sa kina-adman sa labing intelihente nga tawo.
Nasayrang ang maong social media giant, mikita og 160-bilyunes dolyares ning mi-aging tuig nga kasagari, gikan sa online advertising.
Sigon ni Zuckerberg, nagtukod ang Meta og daghang multi-gigawatt clusters, ug ang usa niini, nga gitawag og Hyperion, mahimong mosaka hangtod lima ka gigawatts sulod sa pipila ka tuig.
Ang Prometheus tukuron sa New Albany, Ohio, samtang ang Hyperion tukuron sa Louisiana ug gilauman nga fully operational na kini pag-abot sa tuig 2030.
