BUTUAN CITY – Dako ang benepisyong mahatag sa Mediterranean diet ngadto sa mga muhimo niini tungod kay nakatutok lamang kini sa mga pagkaon plant-based, mugamit pa og olive oil, ingon man daghang prutas, gulay ug whole grains.
Migawas sa bag-ong pagtuon nga duna’y maayong epekto ang Mediterranean diet ngadto sa risgo sa pagbaton og multiple cardiometabolic diseases, sama sa type 2 diabetes ug mga heart attacks.
Nasuta pa sa mga researchers nga ang pagsunod sa Mediterranean diet, makapa-ubos sa tsansa ni bisan kinsa nga mu-develop og first cardiometabolic disease ngadto sa cardiometabolic multi-morbidity — ang multiple co-occurring conditions nga makutay ngadto sa cardiovascular and metabolic health — atol sa 10 ug 15-ka tuig nga follow-up periods.
